3301. . నాకెవరూ లేరనే అనుకున్నా..
నువ్వొచ్చి తలపును దోచేవరకూ..!
3302. మెరుపువై నాలో మెరిసినప్పుడే అనుకున్నా..
ఉరుము లేకుండా విచ్చేసింది నువ్వేనని..
3303. భాగించలేదని సంతోషించాను..
హెచ్చువేతల్లోనూ కూడి మరీ నిలబెట్టావనే..
3304. రహస్యాన్ని బయటపెడుతున్న కన్నీళ్ళు..
ఒంటరితనాన్ని నలుగురికీ చాటేస్తూ..
3305. నేనేగా చైతన్యాన్ని..
చిరుగాలికే పెదవులు వెల్లువై విచ్చుకుంటుంటే..
3306. ఆమో మౌనమయ్యింది..
రహస్య మేఘమేదో మనసును మూసిందనే..
3307. ఒక్కమారు విరహమవ్వాలనుకున్నా..
నీలో రహస్యంగా మారక మునుపే..
3308. వెన్నెలనయ్యా నీకొరకే..
నీరవానికి నిన్నివ్వరాదని..
3309. పున్నమిని పంపేసావెందుకో..
సంతోషమంటూ అమాసకు నన్ను అంకితమివ్వాలనా..
3310. సరదా అన్నప్పుడే అనుకున్నా..
నా నవ్వులు దోచుకొని నిశీధిని నాకు విడిచేస్తావని..
3311. ఆకలి తీరింది చూపులకి..
కనువిందుగా నువ్వు దొరికిపోయినందుకే
3312. నువ్వో అసంపూర్ణమనే తోడయ్యా..
నిత్యదరహాసం నీలో మొలకెత్తించాలని..
3313. ఎత్తిపొడుపుల ఆరోహణలెందుకో..
సమర్ధింపుల సమాధానాలు సిద్ధంగా ఉండగా..
3314. నా ఆనందానికెంత అద్వైతమో..
నువ్వలా కీర్తిస్తూ ఉండగా..
3315. నా ఆనందానికెంత అద్వైతమో..
నీ కీర్తనకు నర్తిస్తుండగా
3316. తూకమెయ్యవసరమే లేదుగా..
నీ మాటలు మధురాలనే మించిపోతుంటే..
3317. రంగుల కోయిలను కలగంటున్నా..
ఊహలు నలుపును తిరస్కరించినందుకే..
3318. నీ ఊహలెంత రమ్యమో..
నన్ను అలౌకికంలోకి నెట్టేస్తూ..
3319. హృదయం చిందులేసింది..
మనసైన సవ్వడి నీ పెదవులదయ్యిందనే..
3320. నేనో అలనయ్యా..
నీ కలల కెరటాన్ని చేరుకోవాలనే
3321. కన్నుల్లో కలకలం..
పారవశ్యాన్ని కెలికినట్టు..
3322. హారతి పట్టమన్నావనుకున్నా..
నువ్విలా నాపై మండిపడతావని ఊహించక..
3323. మౌనంలో దోగాడుతూ నా నవ్వు..
రసమయ రాగాలను పెదవులలో దాచేస్తూ..
3324. అల్లేస్తున్నా కవితలందుకే..
చిరుగాలి తరంగాలకే విరినై నేనూగినట్లు..
3325. ముట్టడిస్తున్న మధురోహలు..
కవనంగా కూర్చి తమను రాయమంటూ.
3326. తుంటరి జలపాతంలా నీ మౌనం..
నీరవంలో తొలకరులు సవ్వడించినట్లు నాలో..
3327. ఊహలతోనే ఊరిస్తావెందుకో..
మరుజన్మకు తోడవుతానని మాటిచ్చాక కూడా..
3328. చీకటిలో దివ్వెనే నేను..
నీలో వెన్నెలను ప్రసరిస్తూ..
3329. కాదేదీ నీ భావానికి అనర్హం..
తీరంలో పాదమైనా..చెలికంటి భాష్పమైనా..
3330. మాటలకందని మౌనం ఆమెలో..
నవ్విన మల్లెలనూ విసుక్కుంటూ..
3331. నడవాలనుకున్న అడుగులు ఏడే..
నిన్ను కలగన్న రాతిరికి..
3332. మోహంతో వీస్తున్నా..
మనసైన మధురోహల సవ్వడి వినిపించాలని..
3333. పరిమళిస్తున్న కురులు..
విరులతో పోల్చి ఒక ఉదయాన్ని రేయిగా మార్చావని..
3334. పరివ్యాప్తమేగా నీ మనసు..
శిశిరంపు విరహంలోనూ నన్నోదారుస్తూ..
3335. ఏమి కోరికో మరి..
చెమటరాని రాజ్యానికి రాజవ్వాలట..
3336. ప్రతిక్షణమూ యుగమే..
అతను లేక నరకం పరిచయమయ్యాక..
3337. నేనే పాటైపోయా..
వినాలనుకున్నప్పుడల్లా నిన్నలరించేందుకు..
3338. ముగ్ధమైన మోమేననుకున్నా..
మౌనంతో మరణం అంచుకు చేర్చేవరకూ..
3339. ఆనందం మందారమయ్యింది..
మంకెన వర్ణాల మకరందాలు పూసుకొని..
3340. అనురాగపు వలలో చిక్కుకుపోయా..
నీతో చక్కెరవిందు ఫలించిందనే.
3341. మన్మధుడే మూర్ఛబోతాడు..
తను ప్రయోగించలేని ఆరోవిల్లు నీ చూపులో దాగుందని..
3342. చెమరింపు తెలియని అక్షరాలు కొన్ని..
పదాల్లో మాత్రం ఒయారాలను ఒలికిస్తూ..
3343. కనడం తెలియదన్నావెందుకో..
చీకటిరాజ్యానికి నన్ను రాణిని చేసేస్తూనే..
3344. వంశీరాగం ప్రియమయ్యింది..
ముద్దుస్వామి వగలన్నీ వేణువులోనే వినిపిస్తుంటే
3345. చక్కనయ్యెప్పుడూ రాధాలోలుడేగా..
బృందావనంలో ప్రణయ వినోదకేళిని ఆస్వాదిస్తూ..
3346. మరో ఏడుజన్మలకూ నేను సంసిద్ధమే..
నువ్వే నాకు తోడవుతానని మాటిస్తే..
3347. రాయలేని భావమొకటి..
గుండె గొంతుకులోనే భాషను కూర్చుకుంటూ..
3348. అలుకను నటిస్తూ నా అందం..
నీ అరవిందంలోని ఆనందాన్ని ఆస్వాదిస్తూ..
3349. సాగుచేసుకుంటావనిచ్చా చెక్కిళ్ళను..
హేమంతానికి మంచుబిందువులొచ్చి చిగురింతల్లో చేరతాయనే..
3350. నేనెప్పుడూ నీ నీడనే..
నా ఉనికి నువ్వయ్యేదాకా..
