11901 -

11901. ప్రకృతిని ప్రేమిస్తున్నా..

నన్ను ప్రోత్సహిస్తుందదేగా..

11902. వింటున్నా నీ గానం..
ప్రేమను రగిలించి పాడుతున్నావనే.. 

11903. సంగీతం నీ పేరడిగింది..

నిన్ను కలిపి పాడాననే

11904. నీ క్షణాలు పరిమళాలే..

నా జ్ఞాపకాలున్నాయిగా అందులో..

11905. సకాలంలో కురుస్తున్న వర్షాలు..

ఋతువులకు క్రమశిక్షణ తెలిసినట్టుంది..

11906. దీర్ఘశ్వాసలు విరిగినట్టే..

నువ్వొచ్చి మనసు బాధ తీర్చేసాక..

11907. చిరునవ్వు తాకింది పెదవులను..

ఇన్నాళ్ళకి గుర్తొచ్చిన ఆనందంలో..

11908. తలలూపుతున్న ఆకులు..

గాలెంత మనొహరంగా వీస్తుందోనని మురిసిపోతూ..

11909. ఊహిస్తూ రాస్తున్నా..

మన పరిచయగీతానికి నిన్నే పల్లవిగా..

11910. పెదవుల మాటు దాచక తప్పలేదు..

మనసులో ముసురుకుంది అశాంతి మరి..

11911. వెలివేస్తుంది నిద్ర..

విరహమో..విషాదమో ఈ రాతిరిది..

11912. నీకు నువ్వుగా వచ్చావనుకున్నా..

నే పిలిచింది కల్లోనని..

11913. జ్ఞాపకం మురిసింది..
ఏకాంతంలో తనని పిలిచి ఆనందించావని..

11914. పదింతలయ్యింది ప్రేమ..
నీతో కలిసి తను స్పందించేందుకని..

11915. చినుకందుకే చిన్నగా కురిసింది..
మట్టి మురిపెం పరిమళించాలనే..

11916. ఏముందో తెలీదా మనసులో..
నేనే నువ్వయిన క్షణంలో..

11917. రోజుకో స్వప్నం..
నిన్నూ నన్నూ కలిపేందుకే రాత్రికొస్తుంది..

11918. పువ్వులు తాకినంత మెత్తని నవ్వు..
నన్నెంత సున్నితంగా చూస్తున్నావో చెప్తూ..

11919. కలలు జారిపోతాయేమోననే కంగారది..
పెదవులు మాటలు ఒలికిస్తేనని..

11920. తడబడుతోంది హృదయం..
నీ చూపుల్లో ఆనందం నేనవుతుంటే..

11921. మనసుకి మొలిచిన రెక్కలివి..
కాగితంతో చేసినవని ఎగరొద్దంటావేం..

11922. మబ్బుల పల్లకీ కదులుతోంది ముందుకు..
ఇక్కడ కురవడం అయిపోయిందనే మరి..

11923. తీరమంతా పంచదార తీపయ్యిందిగా..
నీ పలకరింపుల పుణ్యమనుకుంటానది..

11924. మట్టు పరిమళిస్తున్నప్పుడే అనుకున్నా..

చందనాన్ని పోలింది ఎందుకోనని..

11925. 

11801 - 11900

11801. బరువెక్కిందలా మనసు..

నీ ఊహలకు తడిచింది కాబోలు..

11802. మనసుందని అనుకుంటారు..
శూన్యాన్ని నింపుకుని అదో అనుభవమనుకుంటూ..

11803. దిగులు వీడని దూరంలో నేను..
నీ చిన్నమాట కోసమని ఎదురుచూస్తూ..

11804. వానొస్తే పండుగే ప్రకృతికి..
కొన్ని శుభాలకి సాక్ష్యమవ్వాలని..

11805. నీ నవ్వులన్నీ నేనొడిసిపడుతున్నా..
నక్షత్రాలు మిడిసిపడితే చూపిద్దామని..

11806. ఏనాటి వసంతమోనిది..
నా కవనాలను నువ్వు నాటినప్పటిది..

11807. మనసు మురుస్తోంది గుట్టుగా..
కొన్ని జ్ఞాపకాలలో తడిచిపోవచ్చని..

11808. అక్షరమై అల్లుకుంటాను..
కొన్ని అనుభూతులు నాపరం చేసావంటే..

11809. స్నేహమే మనసందం..
దాన్ని ఇనుమడించాలంతే..

11810. జ్ఞాపకాన్ని తడిమింది మానసం..
మౌనమై మిగిలింది సమస్తం..

11811. ఏ భాషకూ అందదు..
మనోవేదన ఉప్పెనై ఎగిసినప్పుడు..

11812. పులకరిస్తున్నా చినుకులొచ్చిన ప్రతిసారీ..
నవ్వులు నేర్పేలా కురుస్తున్నాయని..

11813. ఆకాశమే హద్దనుకున్నా..
నీ హృదయమే నా గమ్యమని గుర్తించే వరకూ..

11814. కనులకెప్పుడూ వానాకాలమే..
కాసేపైనా నీ ధ్యాసను వీడనంటూ..

11815. నీకు నిన్నిచ్చేసా..
నాకు దగ్గరై లోకం మరచిపోతున్నావని..

11816.  పరిమళాన్ని ఆస్వాదిస్తూ ప్రయాణించా..
గమ్యమలా దగ్గరైన భావనొచ్చింది..

11817. వెన్నెల్లో విరహాన్ని వివరించలేకున్నా..
మనసు మూగదవుతుంటే ప్రతిసారీ..

11818. రాసినదంతా గుర్తుంది..
రాయబారమిది మొదటిసారి కాదు కనుకనే.. 

11819. మనసందుకే వగలు పోతుంది..
నువ్వొచ్చి దిగులు దూరమంపావనే..

11820. చూపులతో రాయొక లేఖ..
నీ కన్నులను చదవాలనుంది..

11821. దూరం దగ్గరైనట్టనిపిస్తుంది..
తలపుల దారమెట్టి లాగేసావుగా మదిని..

11822. గుర్తించా నా పేరుని..
నీ పెదవులు పలికాయనే..

11823. భూమందుకే బరువెక్కుతుంది..
నిజాన్ని నిథిలా తనలో దాచుకోబట్టి..

11824. ఆశించేదేముంది మార్పుని..
కాలం కదులుతూనే దాచుకుంటుంది రహస్యాల్ని..

11825. నీ చూపుల వెలుగు తెలుస్తోంది..
ఆమె కన్నుల కలలనే రాస్తున్నావని..

11826. కవనాలైపోతూ కలలు..
నీ కలానికి దొరికినప్పటి సంధి..

11827. కొన్ని భావాలంతే..
చెప్పకుండానే మనసుని అలవోకగా చేరుతుంటాయి..

11828. నీ చూపులను పసిగట్టేసా..
ప్రేరణగా నేనందుకే మిగిలిపోయా..

11829. నీదీ నాదీ ఒకటే తాళం..
స్వరాలు కలిపి జతగా పాడుతున్నందుకు..

11830. ప్రతి కలలోనూ నువ్వే..
నిన్నొక్కసారి చూడాలని మనసనుకోగానే..

11831. సంతోషం సాగరమయ్యింది..
నీతో కలసి పయనం మొదలవ్వగానే..

11832. ఘడికోసారి అలుగుతుంటా..
నువ్వు రోజుకోలా అనునయించి మురిపిస్తావని..

11833. అనురాగమదే మరి..
అనుభూతిగా మారి నిన్ను తాకుతోంది..

11834. కన్నులు కలిసినప్పుడే అనుకున్నా..
ఎన్ని జన్మలైనా నీకోసమెత్తొచ్చని..

11835. పరిధులెప్పుడూ సుస్పష్టమే..
పరిచయాన్నలా కొనసాగించాలంటే..

11836. మౌనమిప్పుడో ముత్యం..
మాటలన్నీ దాచుకుంటూ..

11837. చూపులతో కొలిచినప్పుడే అనుకున్నా..
చిరునవ్వుల వరమింక ఇచ్చేద్దామని..

11838. నిక్షిప్తం చేసా అనుభూతిని..
దాని తాజాదనం మనసుకందాలని..

11839. ఉషోదయాల్ని లెక్కిస్తున్నా..
ఏనాటికైనా నీ పిలుపు వినబడకపోతుందాని..

11840. వలపు చిరునామా తెలీదనుకుంటావు..
మజిలీనై నిన్నే చేరుతున్నా..

11841. ఈనాటికీ వినిపిస్తుంది యవ్వన ఘోష..
సముద్రం పక్కగా నడుస్తున్నందుకేమో మరి..

11842. సహజత్వానికి దగ్గరగా ఉండాలందుకే..
కొత్తమార్పులకి సైతం చోటిస్తూ..

11843. పండుగంటే అదేగా..
పారాణి అందెలు గుండెల్లో రవళించేలా..

11844. చిలిపి తమకమివ్వాలనుకున్నా నీకు..
చిరుమువ్వలు కాలికందుకే అలంకరించుకున్నా..

11845. అక్షరాలు అలిగాయి..
రెండు రోజులైనా నేను తడమలేదని..

11846. మెత్తగా తడవాలనుకున్నా..
ప్రేమ జడివానకి మునిగిపోతానని తెలీక..

11847. రాసేకొద్దీ ఆనందాలు..
అక్షరాలొచ్చి మదిని ఆలింగనం చేస్తున్నట్టు..

11848. శిధిలాలను చూసి మోసపోతారంతా..
జ్ఞాపకాల కోటలని తెలీక..

11849. ఝరినై ఉరకాలనుంది..
నీ మదిలో నేనంతా అమృతమై..

11850. ఆవిరైతేనేమి..
నీ జ్ఞాపకాల్లో నేనో పరిమళించే విరినేగా..

11851. ప్రశ్నలన్నీ ముగిసిపోయాయి..
నువ్వే జవాబుగా నా ఎదురొచ్చాక..

11852. వాన కురిసినందుకే..
ఎటుచూసినా జలకళతో లోకం ఉట్టిపడుతుంది..

11853. ఆ మనసందుకే మృదువయ్యింది..
మౌనాన్ని చెలిమి చేసినందుకే..

11854. పరిమళిస్తున్న రాత్రికి తెలుసేమో..
కలలకంత మత్తొచ్చింది నీవల్లేనని..

11855. నేను నడిచిన సన్నదారి చెప్తుంది..
నీకోసమెంత ప్రయాసలో నే కదిలొచ్చానో.. 

11856. అపురూపాలు దాచుకోవాలందుకే..
అద్భుతాలుగా గుర్తుచేసుకొనేందుకు..

11857. మనసు విరిగిందని గుర్తించా..
ఉలిపట్టకుండానే నువ్వు బెదిరించినప్పుడు..

11858. నీ హృదయంలోనేగా నివసిస్తున్నా..
చిరునామానడిగి దూరం చేస్తావెందుకలా..

11859. మనసు మృదువైతే చాలు..
అనుభూతించగలిగే ఆనందాలు పదివేలు.. 

11860. నివేదించడానికేముంది..
నా హృదయమెప్పుడో నీకు నైవేద్యమయ్యిందిగా..

11861. పెదవుల్ని తాకిన రాగాలెన్నో..
మనసులు పరవశిస్తున్న మధుమాసంలో..

11862. నడిచొస్తున్నా కవనాన్నై..
నీ భావానికి అందం చేకూర్చాలనే..

11863. పరిమళిస్తున్న రెండు మనసులు..
మూడుముళ్ళ సందడికి కాబోలు..

11864. ఆగేదేముంది కాలం..
చక్రాలతో అడుగులు నేర్చిందని తెలుసుగా..

11865. కవితలు వెల్లువెత్తాయి..
విషాదాన్ని రాయడం నే మొదలెట్టగానే..

11866. నిశ్శబ్దం నిద్రిస్తుంది..
ఆనందమందుకే సడి మొదలెట్టిందీ రేయిలో..

11867. మౌనంపై మక్కువ లేదెప్పుడూ..
మాటలు మనసులోనే మింగేస్తుందని..

11868. జారుకుంటున్న ఊసులు..
ఎలానూ నీకు చేరవేయలేనని తెలిసి..

11869. వేకువ చుక్కలంటే నాకూ ఇష్టమే..
ఉదయాన్నే మెరుస్తూ కనువిందు చేస్తాయని..

11870. భావుకగానే మిగలాలనుంది..
మౌనాన్ని అక్షరంగా రాసి నీకందిస్తూ..

11871. మనసులో కొలువుండిపోయా..
మాటల వర్షానికి నిలువెల్లా తడిచినందుకే..

11872. నీతో ఉండద్దంటుంది లోకం..
మనం కలిసుంటే సహించలేదనుకుంటా..

11873. ఎన్ని నవ్వులు రాసివ్వాలో నీకు..
ఒక్క రాత్రీ పూర్తిగా నిద్రపోనివ్వవు..

11874. గుండె గుబులు అలా దూరమయ్యింది..
నీలో పదిలమయ్యానని మనసిప్పటికి తెలుసుకుంది..

11875. తబ్బిబ్బవుతుంది మానసం..
నీ జ్ఞాపకాల ప్రవాహాన్నిటు మళ్ళిస్తుంటే..

11876. జీవితం ఒడ్డున పడినట్లయింది..
నువ్వొక్కసారి చేయి అందించగానే..

11877. పండగొస్తున్నట్టుంది..
ఉండుండీ మనసులో వెన్నెల కురుస్తోంది..

11878. అశ్రుధారలెన్నో కన్నుల్లో..
వానాకాలంతో పోటీ ఎందుకో మనసుకిలా..

11879. అలనై పుట్టాలనుందొకసారి..
తీరమై నువ్వు నిలబడతానని మాటిస్తే..

11880. వెతికి వెతికి అలసిపోయా..
నా మనసు చెప్పాపెట్టకుండా నిన్ను చేరిందని తెలీక..

11881. కలని కనిపెట్టలేకపోయా..
కమ్మని మకరందం మనసంతా ప్రవహిస్తుంటే..

11882. తలకో రాత..
రాసేవాడికి ఉన్నంత తీరికుండాలి చదవాలంటే..

11883. కాలాన్ని కదలనివ్వకు..
కాసేపు భావాల్ని కలిసి పంచుకుందామిప్పుడు..

11884. కలమాగాదు కవనాన్ని రాసేవరకు..
అక్షరాలు మనసుని అల్లుకోవాలంతే..

11885. రాసింది నేనొక్క అక్షరమే నిజానికి..
వేలభావాలుగా పరిమళిస్తుంది నీ మనసే..

11886. నీరవంలోనూ రవళిస్తుంటాయి..
నీ మదిలో భావాలు నన్నల్లేందుకు..

11887. వలపును రాస్తున్నప్పుడే అనుకున్నా..
నన్నో అక్షరంగా మార్చేస్తావని..

11888. క్షణాలిప్పుడు సమ్మోహనం..
నీ మాటతో మది బృందావనం..

11889. వెన్నెల కురవట్లేదంటే మది నమ్మదు..
చెలి జాబిలి కనులెదుట కదులుతుంటే..

11890. నీ వయసే నన్ను పిలిచింది..
వలపు పండించుకుందాం రమ్మంటూ మరి..

11891. కలతెలా కదిలిపోయిందో..
నువ్వో మరుదివ్వెలా వెలుతురు చిమ్మగానే..

11892. పులకరిస్తూనే నేనున్నా..
రాత్రి పొలమారినప్పటి నుంచీ ఎందుకో..

11893. కొన్ని కలలు తీపవుతున్నాయి..
అప్పుడప్పుడూ నిన్ను చూపుతున్నందుకేమో..

11894.విరుచుకుపడుతూ కలలు..
వాస్తవానికి విస్తుబోయి వెనుకకు మరలుతూ..

11895. సగంలో ఆగిందొక పాట..
చరణాలను మరచినట్టుంది మనసు..

11896. దాహాన్ని తీర్చలేని నీళ్ళవి..
కన్నీరై ఒలుకుతున్నా విలువైనవి..

11897. నేనో అక్షరాన్ని..
గుండెలోతుల భావాన్ని నిన్ను రాయమన్నానందుకే..

11898. గుభాళిస్తున్నవి గులాబీలనుకున్నా..
నీ నవ్వులని అనుకోక మునుపు..

11899. మనసు గది మూసావెందుకో..
చొరబడతాననే భయం కాబోలు..

11900. అలసిపోతూ నేనున్నా..
నీ తలపుల ప్రవాహంలో ఈదలేకనే..

11701 - 11800

11701. అక్షరమై మిగులుతున్నా..

కొన్ని భావాలు నీకు పంచిద్దామని..

11702. నివురు కప్పుకున్న నిజాలే అన్నీ..
ఋజువైనా న్యాయం జరిగేది లేదని..

11703. మనసు పొలిమేర దాటితేనేమి..
మనిషిగా నలుగురినీ కనిపెట్టుకున్నప్పుడు..

11704. ఏరుకుంటున్నా నీ పదాలు..
గుప్పెడైనా గుండెల్లో దాచుకోవాలని..

11705. నీ కనుపాపలు రాసే కావ్యాలవేగా..
రెప్పలు దాచుకున్న మన రహస్యాలు..

11706. ఎంతకని కవ్విస్తావో..
నా నవ్వులన్నీ నువ్వు కాజేస్తూ..

11707. ఎండిన వాగునైపోయా..
కన్నీరు గడ్డకట్టిందిక్కడ..

11708. పలుకులెన్ని పోగేసానో..
నువ్వొస్తే పంచదార చిలకనై వినిపించాలని..

11709. క్షణాల తొందర తెలుస్తోంది..
పదేపదే గతంలోకి లాక్కుపోతుంటే..

11710. కలలంటే మక్కువందుకే..
నా కన్నుల్లోకి నిన్ను నడిపిస్తుంటాయని..

11711. ఆదుకోవడమే ధర్మం..
అవసరాన్ని మించి దాచుకొనే ఆశలేనప్పుడు..

11712. జ్ఞాపకం కాలేనెప్పటికీ..
నా జీవితం నీతో ముడేసుకున్నందుకు..

11713. ఊయలయ్యింది మది..
నీ మాటలు ఓలలాడించినందుకే మరి..

11714. అలవాటైంది మనసుకి మౌనం..
విరహం మధురమనుకొని చానాళ్ళయిందని..

11715. చెదిరింది మనసు..
మౌనవించేంతగా మన మాటలెటు పోయాయోనని..

11716. పరిచయమే కదానుకున్నా..
మనసులు మాలికలై పెనవేసుకుంటాయని తెలీక..

11717. వసంతం కదలక తప్పదుగా..
గ్రీష్మమొస్తుందని ముందే తెలిసాక..

11718. మాటలు మృగ్యమే..
వినేవారు లేకుంటే..

11719. వెన్నెల్లో తిరిగినందుకేమో..
పున్నమి పువ్వునై వికసించా ఉదయానికల్లా..

11720. జ్ఞాపకాల కలకలం..
రాసేదాకా కలాన్ని అదేపనిగా రేప్పెడుతూ..

11721. నేలమ్మ పరవశమది..
చినుకుల చుంబనాలకి తనువెల్లా తడిసిందని..

11722. పదివేలే లెక్కేసా..
కొన్ని పులకింతలెటు మాయమయ్యాయో మరి..

11723. అర్ధరాత్రి ఆకుల చప్పుళ్ళు..
విషాదాన్ని పాడుతున్నవేమో మరి..

11724. గుండెతడి తాకినట్టయింది..
నువ్వొక్కసారి మౌనవించినందుకే..! 

11725. కలవరం తెలుస్తోందిప్పుడే..
నీ గుండె కొట్టుకుంటుంది నాకోసమేనని..

11726. వసంతాన్ని పిలిచి అలసిపోయా..
అర్ధరాత్రి పలకరిస్తుందని తెలీక..

11727. అలసటెరుగని జ్ఞాపకాలు..
మనసుని నిద్రపోనివ్వనంటూ..

11728. తీయటివేనని సరిపుచ్చుకున్నా..
నిన్ను తలవగా కురిసిన కన్నీళ్ళని..

11729. కలలెందుకులే నీ కనులకు..
కన్నీటిలో కరిగించి సాగనంపేందుకు..

11730. ప్రణవమే నీ పలకరింపు..
నా కనులకు మేలుకొలుపు..

11731. ఆద్యంతం లేని అనుభవాలు..
అనుభూతులన్నీ దూరం చేస్తూ..

11732. మాట మధురమయ్యింది..
నీపై మనసుపడ్డాననే..

11733. అందం రెట్టింపయ్యింది..
అనుభూతిస్తున్నది నీ మనసు కనుకనే..

11734. అక్షరాలు కొన్నయితేనేమి..
పదాలుగా పరుచుకొని అనంతమైన భావాలయ్యాక..

11735. మనసులో అనుకున్న మాటలే..
మౌనవించాక పదాలుగా మారాయలా..

11736. సంతోషినై నిలబడిపోయా..
నువ్వు చూస్తుంది నా ఆనందభాష్పాలనే..

11737. సుగంధమంటినప్పుడే అనుకున్నా..
కొన్ని భావాలు నాపై కురిపించుంటావని..

11738. నిలువునా మునిగిపోతున్నా..
నువ్వు గుప్పిళ్ళతో ప్రేమను చిలకరించినందుకే..

11739. నడతనందుకే నేర్చుతున్నా..
అడుగులెన్నడూ తడబడరాదని..

11740. నా ధ్యానమొక్కటే మిగిలింది..
నీ మౌనమింకా ముగియనేలేదు..

11741. కాలాన్ని శాసించలేరెవ్వరూ..
ఒక్క కవనం రాసేలోపునే కదిలిపోతుంటుందది..

11742. అంతుచిక్కని రహస్యాలెన్నో..
పుట్టక ముందే సమాథయ్యే పదాలలో..

11743. స్మృతుల నుండీ తేరుకోలేదింకా..
ఎడబాటు అసత్యమైతే బాగుండేమోనని..

11744. కావ్యనాయికనెప్పుడో అయ్యా..
నువ్వు కలం పట్టి రాయలేదంతే..

11745. కాలమాగి చూస్తుంది నిజమే..
నీ ప్రతిస్పందనలోని ఆంతర్యానికని..

11746.  నిరాశ మాయమయ్యిందలా..
నా నిరీక్షణ నీరాకతో సమాప్తమయ్యిందనే..

11747. నా నవ్వులెన్ని సేకరించావో..
నీ మాటలకు నేనుక్కిరిబిక్కిరవుతున్నా..

11748. తాళం తప్పినప్పుడే అనుకున్నా..
ప్రేమస్వరానికి లయ కుదరలేదని..

11749. పున్నమి పువ్వై నవ్వుతోంది..
జాజులు ఉడుక్కోవడం చూసినందుకే..

11750. పలుకందుకే బంగారమయ్యింది..
నా మౌనం ముత్యాలుగా జారిపోయి..

11751. మరుపు వరమయ్యింది..
కొన్ని గాయాలు నిలువెల్లా బాధించలేదందుకే..

11752. కవితగా కురవాలనుకున్నా..
కన్నీరై రెప్పలను వీడతానని తెలీక..

11753. కదిలే కాలాన్ని ఆపేదేముందిలే..
కొన్ని క్షణాలైతే ఒడిసిపట్టుకున్నాగా..

11754. అక్షరమేగా ఆలంబన..
అలసిన మనసుని సేద తీర్చాలనుకున్నప్పుడల్లా..

11755. మనసంతా ఊహలమయమే..
ఇన్ని రాగాలు రాసులుగా పేర్చుకున్నట్టు..

11756. మౌనవిస్తేనేమి..
ఓ ఏకాంతమిప్పుడు నా సొంతమయ్యింది..

11757. కథగా మిగిలిపోతాలే..
నీ జీవితంలో ఒక జ్ఞాపకమయ్యాక..

11758. తడిచిపోతూ ఉన్నానిక్కడ..
నా కనురెప్పల మీద నీ తీపిముద్రల సాక్షిగా..

11759. నన్ను పాడే కోయిలవు నీవు..
వసంతమెప్పుడూ నా సొంతమే అన్నట్టు..

11760. మనసో చెర..
నిన్నొదిలు ఉండాలనిపించదు ఏ క్షణాన..

11761. హరివిల్లయింది మేను..
నీ మనసు అందుకున్న ఆనందానికి..

11762. మనసు త్వరపడుతోంది..
కరుగుతున్న కాలాన్నొదిలి తను గెలవాలని..

11763. మనసు రాయి చేసుకున్నా..
నిన్ను పొందే అదృష్టం ఈ జన్మకి లేదని..

11764. నా సంతకమందుకే నేర్చింది జాబిలి..
పెదవి పగడపు రంగెంతో నచ్చిందని..

11765. కలలన్నీ నిజాలందుకే..
నా కాటుకల కోరికలు తీర్చాలని..

11766. చిలిపినవుతున్నా నీ చెలిమిలో..
అగాగి కురుస్తూ కన్నుల్లో..

11767. కలం కదులుతోంది..
భావాల్ని పట్టి కాగితంపై బంధించాలని..

11768. పదింతలైన పరవశం..
నా బిడియాన్ని నువ్వలా ఆరాతీస్తుంటే..

11769. కాసులపేరులా నువ్వు..
ఎదలోని భావాలకు కొసమెరుపు కానుకవుతూ..

11770. అక్షరానికై అన్వేషణ..
మచ్చికైన భావాలు మెచ్చేలా అందించాలని..

11771. మనసు నింపుకున్నానలా..
నీ ప్రేమ దోసిళ్ళుగా దాచుకుంటూనే..

11772. కలలందుకే కోసుకెళ్ళావుగా..
నన్ను ప్రతి రేయీ చూడాలనిపిస్తుందని..

11773. అనురాగమైతే మిగిలుందిలే..
అక్షరాలు అలుక్కుపోయినా కొన్ని అపార్ధాలలో..

11774. అపురూపమవుతూ అక్షరాలు..
జాగ్రత్తగా వెతికి కవనంలో కూర్చావనే..

11775. చిగురాకు చివరన అద్భుతమొకటి..
వానాకాలపు అందాన్ని వెదజల్లుతూ..

11776. దిగులుపడుతూ నక్షత్రాలు..
ముసురేసిన ఆకాశం రోదించేలా అనిపిస్తుందని..

11777. ఎక్కడిదో ఈ సువాసన..
నువ్విక్కడే ఉన్న మనసాలాపనలా..

11778. కళ్ళతోనే నవ్వుకుంటున్నా..
నా కలలెంత కలవరపెట్టాయోనని తెలిసి..

11779. నిన్నో రాగం చేసి పాడుతున్నా..
నాలో సంగీతమై నిత్యం నువ్వుంటావని..

11780. వలసపోయిన కలలు..
నాలో కలిగే కలవరాన్ని చూడలేమంటూ..

11781. చిరునవ్వులే చిరుదివ్వెలిప్పుడు..
ముసురుపట్టిన మనసు చీకటికి వెలుగిచ్చేందుకు..

11782. కలువల కోనేరుగా నా మది..
ఆహ్లాదానికి నువ్విటు తప్పక వస్తావని..

11783. మహారాజువయ్యావందుకే..
నా హృదయ సింహాసనాన్ని అధిరోహించావని..

11784. అనువదించా ఆశల్ని..
నీ రూపుగా అవి మిగిలాయిప్పుడు..

11785. శ్వాస మందగించినప్పుడే అనుకున్నా..
త్వరలోనే ఊపిరాగేలా ఉందని..

11786. నిజం కాలేని కలలే అన్నీ..
నిద్దురలో నన్ను వెంటాడుతూ నిత్యమొచ్చేవి..

11787. అపస్వరాలను వెతకలేను అనురాగంలో..
శృతికలిసి చానాళ్ళయిన విశేషానికి..

11788. భావం బంగారమయ్యింది..
నిన్ను మెప్పించే నిధిగా మారాలనే..

11789. కాలంతో చేస్తున్నా సహజీవనం..
కొత్త ఉత్సాహం తెచ్చుకోవాలని..

11790. మనసు ఖాళీ అయిందనుకున్నా..
శూన్యమొచ్చిందని ఆలశ్యంగా గుర్తించి..

11791. నా ఊహకందని నిశ్శబ్దమిది..
జన్మరాహిత్యాన్ని కోరుతున్నట్టుంది మది..

11792. ఆనందం ఆర్ణవమయ్యింది..
నదిలా నీ ప్రేమొచ్చి చేరిందని..

11793. పులకిస్తున్న పున్నమినయ్యా..
పక్షముగా నాకై ఎదురుచూపులతో నువ్వున్నావని..

11794. మనసులెప్పటికీ మమేకమేగా..
దూరమైనట్టు మనం లోకానికి కనిపిస్తున్నా..

11795. వేకువ సహజమేగా జీవితానికి..
చీకటిని విసుక్కోక చేరదీయాలందుకే..

11796. నవ్వులెన్నిమ్మంటావో చెప్పు..
పెదవుల తీపి సహా రాసిచ్చేస్తా..

11797. మదిలో ఉప్పెన..
కలల్ని ముంచేయడానికి వచ్చిందేమో మరి..

11798. కలలకు లొంగిపోయా..
నీతో కళ్ళు కలిపిన సంతోషమైందని..

11799. నిద్దురాపలేకున్నా రాత్రుళ్ళు..
కొన్ని కలలు భయపెడతాయని తెలిసినా..

11800. ప్రతిస్పందన నేనవుతున్నా..
నీ భావానికి చేయుతగా ఉండాలని..

11601 - 11700

.11601. ఒంటరితనపు చీకటిగదిలో ఎందుకుంటావలా..

వేకువ వెన్నెలను తెలుసుకోవాలనుకోలేదా..

11602. విరహమంటి వేడిగాలి..
కిటికీ అవతల నువ్వు వీస్తున్నట్టుగా..

11603. నిరీక్షణంటే ఇదేనేమో..
చానాళ్ళుగా నీకై మనసు తపిస్తున్నట్టుంది..

11604. ఈ స్వప్నాలేమిటో..
నా నీవున్న మాయని అనుభూతించమన్నట్టు..

11605. అత్తరు దీపాల్లా నీ కళ్ళు..
రెప్పలు ఆపలేని వెలుతుర్లు వెదజల్లుతూ..

11606. వినబడ్డవి నీ పిలుపులు..
పయనిస్తుంటే నా స్వప్నాల్లో..

11607. హద్దు మీరిన సహనం..
కోపాన్ని ప్రకోపిస్తూ అరుపయ్యింది..

11608. పరిమళిస్తున్న చీకటి..
రేయంతా మల్లెగాలి కనపడకుండా వీస్తున్నందుకే..

11609. అలలు అలలుగా కలలీనాడు..
నిద్రించి చానాళ్ళైంది నేనైతే..

11610. ప్రవహిస్తున్న కన్నీరు..
ఎదలో ఆనందం సింధువుగా మారి..

11611. సంద్రానికి సమానమైపోయా..
ఉప్పగా జారే కన్నీటిరుచి మార్చలేక..

11612. వలపును పంచుతున్నా..
నా ఊసులుగా నీకు గుర్తుండాలని..

11613. నిన్నటి మన అనుభూతులే..
నేటి అనుభావాలైనవి నాకు..

11614. మూగైంది మనసు..
నీ మాటలు ఆలకించి చానాళ్ళయిందని..

11615. నన్ను మరచి చానాళ్ళయింది..
నువ్వుగా మారడమొక్కటే గుర్తుంది..

11616. పసిడిగా మెరుస్తున్నాను..
నీ మనసాకాశంలో నక్షత్రం నేనయ్యాక..

11617. గుర్తించలేకున్నాం మనుషుల్ని..
ముసుగేసుకుంటుంటే మంచితనాన్ని..

11618. తీరమై ఎదురుచూస్తుంటుంది తను..
కెరటమై నువ్వు ముద్దాడతావనే..

11619. మరణానికి దారి వెతుకుతున్నా..
జీవితపు ముళ్ళను ఓర్చలేకనే..

11620. భాషకందని భావాలే కదా నీవన్నీ..
నాపై దాచుకున్న ప్రేమను ప్రకటిస్తున్నట్టు..

11621. నా పేరు ప్రణయమయ్యింది..
నువ్వందిస్తున్న లాలసానికి మురిసినందుకే..

11622. ఒప్పుకోదు మనసెప్పటికీ..
కన్నుల ద్వారా బయటపడొద్దని చెప్తున్నా..

11623. కాలాన్నెంతగానో బుజ్జగించా..
నీ జ్ఞాపకాలనైనా కడదాకా తోడిమ్మని..

11624. కన్నీటివాన ఎప్పటికీ తీపవదేమో..
జ్ఞాపకంగానైనా నువ్వు మిగలకపోయాక..

11625. గతి తప్పుతున్న కొన్ని ఘడియలు..
స్వప్నాన్నీ వాస్తవాన్నీ వేరు చేయలేక..

11626. ఇంటిపేరు మౌనమయ్యింది..
నీ మాటలతో మనసు మూగదయ్యి..

11627. కనురెప్ప చాటు కవితనవుతా..
కలవరిస్తున్నది నన్నేనని తెలిస్తే..

11628. మౌనం ముత్యమనుకున్నా..
మాట బంగారమని నువ్వు చెప్పేవరకూ..

11629. నా కన్నుల్లో నల్లపూసలు..
నిన్ను చూడక చానాళ్ళయినందుకేమో..

11630. మనసంతా పన్నీరు..
ఊహించని నీ దర్శనం అయినందుకు..

11631. అనునయించవెందుకలా..
వైశాఖమాసాన వలపుల వానంటే ఇష్టమంటూనే..

11632. నీ కనురెప్పలు కటకటాలే..
నన్ను బంధించి దాచుకున్నాయంటే..

11633. తలపుల వాకిటే నిలబడిపోయా..
యెదలోపలి ఆహ్వానాన్ని ఆశిస్తూ..

11634. పులకించి పరవశిస్తున్నా..
పరిమళాలు నులివెచ్చగా ప్రాణాలు తీసేస్తుంటే..

11635. వేసారిపోతుంటా ప్రతిసారీ..
నీ మాటలు గుచ్చుకున్నా ఫరవాలేదనుకుంటూ..

11636. ఎన్ని రంగులని కలగలపాలో..
నీలో నవ్వులు ఇంద్రధనుసయ్యేందుకు..

11637. చూపులతో సంధించినప్పుడే అనుకున్నా..
చిలిపిదనం గుచ్చుకోక మానదని..

11638. రేపటికి రూపమివ్వాలనుంది..
నిన్నటి మనం ఈరోజైనా ఒక్కటైతే..

11639. నువ్వు నా నిజమన్నా నమ్మరెవ్వరూ..
నేను నీ నీడై ఉంటున్నా..

11640. గానం సమస్తమయ్యింది..
నీతో కలిసి ఆలపించాలని నేననుకోగానే..

11641. మౌనం నిత్యమయ్యింది..
నిరంతరం నీ పలుకులనే ఆలకిస్తూ..

11642. కలలోనూ నువ్వే..
అనుబంధమయ్యావు మరి..

11643. పుచ్చేసుకుంటాలే నీ హృదయాన్ని..
నిన్ను కాదని నాదరికొచ్చినందుకు..

11644. కెరటమై ఎగిసింది ప్రేమ..
అభిమానం అంతర్లీనమై ఉన్నందుకు..

11645. నువ్వొస్తున్న శబ్దమయ్యింది..
నిశ్శబ్దాన్ని భరించలేననుకోగానే..

11646. మొదలైంది తెలియని గిలిగింత..
నీ రాకతో మనసంతా..

11647. శిశిరాన్ని ప్రేమిస్తున్నా చిత్రంగా..
వసంతానికి చోటిస్తూ కదిలిందని..

11648. ఏకాంతం నవ్వుతోంది..
క్షణక్షణం నే జారుతున్నా తనలోకని..

11649. నిద్దరోలేదని కలలు ఆగవు..
ఊహలుగానైనా ఎదను కొరుకుతుంటాయి..

11650. ప్రతిజన్మకూ నువ్వే..
ఎన్ని జన్మలెత్తేందుకైనా నే సిద్ధమందుకే..

11651. విషాదం నిత్యమయ్యింది..
ఓదార్చే హృదయమేదీ నన్ను చేరదీయలేదనే..

11652. చీకటిని మరిపించాలనుకున్నా..
నీ నవ్వులనే దీపాలను గుర్తుచేసుకున్నా..

11653. సంతోషం సగమైనా మిగల్లేదు..
నీకు మనసిచ్చిన పాపానికి..

11654. వైశాఖానికి ముందే వస్తావు..
వానలా నాలో కురవాలనుందంటూ..

11655. రాగమెప్పుడో లయ తప్పింది..
తాళమసలు కుదిరేలా లేదని..

11656. వేకువలో వెన్నెల ఆనవాళ్ళు..
ఒలకపోసిన నవ్వుల సింగారాలు..

11657. నలుగురందుకే మిగిలారు..
నాకో పేరుందని మోసేందుకు చివరకు..

11658. కలానికి బలమొచ్చింది..
కదులుతున్న కాలాన్ని అందుకోవాలని సాహసించి..

11659. ఒక ఉలికిపాటు స్పర్శ..
మనదో పురాతన బంధమనుకుంటా..

11660. నాకోసం నవ్వుతాయనుకుంటా..
నీ కన్నులు చూసిన ప్రతిసారీ..

11661. కాలాన్ని కదలనిచ్చా..
నా ఊహలకి నేనే ప్రాణమిద్దామని..

11662. ఇంద్రజాలం ఫలించినట్టుంది..
ఇన్నాళ్ళైనా నువ్వు నావెంటిలా పడుతున్నావంటే..

11663. పేరని ఎవరన్నారు..
నువ్వు పిలిచినందుకు నే కవితనయ్యాగా..

11664. అదేమి వానో..
సకాలాన్ని కాదని అకాలానికి ప్రత్యక్షమవుతుంది..

11665. వెలుతురుకై వేచిచూస్తున్నా..
నీ రూపంలో వచ్చి తీరుతుందని..

11666. ఆవిరైన అనుభూతులు నాలో..
అణువంతైనా నిన్ను కదల్చలేకపోయానని..

11667. అక్షరాలతో అల్లుకుంటావలా..
నాలోని శూన్యాన్ని పూర్తిగా పంపించాలంటూ..

11668. అపరిచితమే అనుకున్నా..
రంగులకలవై నా నిద్దుర చెదిరేవరకూ.. 

11669. అరమోడ్పు కావాల్సిందేగా కన్నులు..
రేయంతా వెన్నెల్లో తడిచినందుకు..

11670. అక్షరమే రక్ష.. 
ఇన్నాళ్ళైనా నిన్నూ నన్నూ కలిపుంచిందంటే..

11671. సుమగంధాలే నీ భావాలు..
పరవశాన్ని నాకు పంచినప్పుడల్లా..

11672. మనసంతా వెన్నెలే..
కలవరింత నీదైనందుకు..

11673. మనసయ్యిందే మౌనం..
నిశ్శబ్దంలో నిన్ను నేమరేస్తూ నేనున్నప్పుడు..

11674. రసోదయమీనాడు..
నీ కలలు నా మాలికలైనందుకు..

11675. విడిచేసా కొన్నిష్టాలు..
నిన్ను మెప్పించే వీల్లేక ఓడినవని..

11676. మౌనం మధురమే..
నా అనురాగాన్నిలా ప్రతిసారీ నీకందిస్తూ..

11677. వలపు సుడిగాలిలా నేనొస్తా..
పులకించాలని నీ మనసుకుంటే..

11678. మొగ్గతొడిగిన నా వాక్యాలు..
నీ స్పందనకని ఎదురుచూస్తూ..

11679. రాయని కృతిలా నేనవుతూ..
నీ స్మృతులలో మునిగినప్పుడల్లా..

11680. ఉధృతిని నేనే..
గతితప్పిన హోరనుకొని నువ్వు ఆలకించలేదంతే..

11681. శిశిరాన్నసలు గుర్తించనే లేదు..
వసంతమూ హేమంతమూ ఇష్టమనుకున్నాక..

11682. ఆత్మసమార్పణందుకే చేసా..
నీ ఆరాధన నాకూ సమ్మతమేనని..

11683. అచ్చుతప్పులవుతూ అక్షరాలు..
తడబడితే నీ వలపు సరిచేస్తుందని..

11684. ప్రతిస్పందనకి అవకాశమిస్తున్నా..
నాకు స్పందించి నువ్వో భావమవుతావని..

11685. ఆలకించేసా అనురాగాన్ని..
అసంకల్పితంగానైనా అనుసరిస్తున్నావని..

11686. ఇలాగే పాడుకుందాం యుగళగీతం..
యుగాంతమైనా అనుబంధం నిలిచుండేలా..

11687. నివేదించినప్పుడే అనుకున్నా..
కృతిగా నా స్మృతినే సమర్పించావని..

11688. మానసికమయ్యింది ఆనందం..
ఇన్ని రాగాల స్వరాలాపన మొదలయ్యిందని..

11689. శిల్పంగా మారిపోలేనా..
శిలగా భావించి నువ్వులి పట్టావంటే..

11690. సమాధి చేసేసా ఊహల్ని..
శకలాలై నన్ను పొడుస్తున్నాయని..

11691. తమకమే అనుకున్నా నిన్నటివరకూ..
గమనమై వెంటుంటావని తెలీక..

11692. ప్రేమలోకం రమ్మంటుందిగా..
కలని నిజం చేస్తే తప్పేముందిప్పుడు..

11693. మబ్బుల్లో దాగున్నా చందమామలా..
ముసురేసిన ఆకాశానికి చాటయ్యేందుకే..

11694. నువ్వన్నది నిజమే..
గుప్పెడంత ప్రేమతో నీ గుండెను పాలిస్తున్నది నేనే..

11695. రెండో జాబిలందుకుందేమో నన్ను..
ఆకాశమందుకే అలా ఆశ్చర్యపోతుంది..

11696. అనంతమైన సుమగంధాలు..
నా నవ్వులు నీతో ప్రతిధ్వనిస్తున్నందుకు..

11697. చుక్కల నవ్వులు..
ఎంతకని ఆమె వెన్నెలను అనుకరిస్తుందని..

11698. అధికమవుతూ అపురూపాలు..
నా నవ్వులు నీవిగా చేసుకున్నందుకు..

11699. మరపురాని ఆనందాలు..
మధురిమలందించు నీ భావాల సుధలతో..

11700. మరువమంటి గుభాళింపులు..
మల్లెపూలను మించి దారాన్ని పెనవేసినట్టు