3951 to 4000

3951. నీకు నేనూపిరిగా మారినప్పుడే అనుకున్నా..
ప్రపంచం నీకు శత్రువు కాబోతోందని..
3952. నిట్టూర్చడం మానేసా..
సెగలతో పగలంతా నువ్వు రగిలిపోతున్నావనే..
3953. మనసుపడ్డానందుకే..
ఎండమావినంటూ నన్ను విస్మరించలేదనే..
3954. వస్త్రం చుట్టే ప్రయత్నం చేయవలసింది..
అందమైన లోకాన్ని అందరికీ కానుకచేస్తూ..
3956. మైమురుస్తోంది హృదయం..
క్షణాలతో అర్చించేందుకు నువ్వు నిరీక్షిస్తున్నావని..
3957. చప్పట్లకి చేతులెప్పుడూ సిద్ధమే..
కురచైన మనిషిని కాలేనందుకు..
3958. మధుశృతులు మిగిలే ఉన్నాయి..
నీ వియోగాన్ని ఆస్వాదించమంటూ..
3959. రెప్పపాటునెందుకు విసుక్కుంటావలా..
కలలోనూ నీ జతయ్యే నేనుండగానే..
3960. లోకానికి వెరుస్తావెందుకో..
మంచిపని చేసేందుకు సంకల్పం నేనిస్తానంటే..
3961. నేనో అవకాశాన్నే..
నీ తలపులజల్లులో కురిసేందుకే ఎదురుచూస్తూ..
3962. నిప్పులాంటి సత్యాన్ననే వెనుకనున్నా..
ముందుకొస్తే నీకు మండుతుందని..
3963. మచ్చికచేసుకోవాలి లోకాన్ని..
విశ్వంలోని ప్రేమంతా నీకు మోకరిల్లంటే..
3964. మధువై రాల్చిన మధురోహలెన్నో..
దోసిలిలో ఇమడలేనని జారిపోతూ..
3965. విరహోన్మాదాన్ని నాకిచ్చావు..
నా తలపులవిలాసాల్లో నువ్వు మునుగుతూనే..
3966. వలపు నివేదనది..
కరగని హృదయానికి పల్లవై రవళిస్తూ..
3967. ఒడిసిపట్టా స్మృతులు కొన్ని..
అలసినప్పుడు హృదయాన్ని చైతన్యపరుస్తాయని..
3968. ఎముకలగూడులో ఉండనంటోంది నా మనసు..
నీ పస్తులకు విరహమనే పేరెట్టుకుంటుంటే..
3969. నేనో తీపినే..
చప్పని హృదయానికి రుచిని అందిస్తూ..
3970. అశ్వంగా మారింది శ్వాస..
ఊపిరివై నువ్వు హృదిలోనికొస్తుంటే..
3971. మధురభావనే నేను..
అర్ధం చేసుకుంటే నీలా..అర్ధం కాకుంటే నాలా..
3972. శిలాశాసనాల మాటెందుకులే..
శిధిలమైన నీ హృదయం నాకొద్దంటుంటే..
3973. హృద్గుహలోకెప్పుడొచ్చావో..
మదిలోని ఊసులన్నీ కొరుక్కు తినేస్తూ..
3974. అరిగిపోయిన సుద్దులే మిగిలాయి..
బుద్ధిని మార్చలేని యాతనల్లో..
3975. నివురయ్యావెందుకో నిరీక్షణలో..
నీ పిపాసను అర్ధంచేసుకొనే అవకాశమివ్వకుండానే..
3976. చిలక్కొయ్యకు తగిలించావేమో హృదయాన్ని..
మాటలతోనే నన్ను నొప్పిస్తూ..
3977. పొగమంచు నవ్వింది..
మరోనెల నీకు చలిదుప్పట్లు కప్పొచ్చని..
3978. పేరెప్పుడో మరచిపోయా..
నీతో కలిపి  సంబోధిస్తుంటే నన్నంతా..
3979. కృష్ణుడ్నెప్పుడూ మరచిపోతావు..
బృందావనానికి నన్ను మాత్రమే ఆహ్వానించాడని..
3980. మనోహరమైనప్పుడే అనుకున్నా..
రాధను మెప్పించగలిగే ఆరాధన నీదేనని..
3981. రజనీవని తెలియదు కాబోలు..
పట్టపగలు నల్లపూసలా కనబడుతుంటే..
3982. నీకు కానుకైనప్పుడే అనుకున్నా..
మరో ఏడుజన్మలు నీతోనేనని..
3983. గవ్వనై సవ్వడిస్తున్నా..
నీ అరచేతిలో ఆటగానైనా మిగిలిపోవాలని..
3984. తారల తోడు తీసుకున్నావనుకున్నా..
నువ్వలా ఆశలో మిణుక్కుమంటుంటే..
3985. జీవితనౌక గమ్యమొకటుందని అనుకోలా..
నన్నక్షరాల నడుమ చేర్చేవరకూ..
3986. బలీయమైంది మానసం..
నీ సాగతీతలకు వెతలను కరిగించి..
3987. నయనతారగా మిగిలిపోదామనుకున్నా..
సితారవంటూ చదివి పక్కనపడేస్తావని తెలిసే..
3988. ఎంతో బంగారం బయటపడుతుందనుక్కున్నా..
బంగారమంటూ నన్నిన్నాళ్ళూ దాచుకున్నవనే..
3989. పెదవులకి తప్పని రంగులు..
వెతల్ని మింగలేని బ్రతుకులో..
3990. ఇంద్రుడికి ముందే చెప్దామనుకున్నా..
తన కళ్ళిచ్చి నాకై వేచే నిన్ను వెలిగించొద్దని..
3991. అమ్మలా ఆహ్వానించిదిగా ఊరు..
కౌగిలించడంలో నీదే ఆలశ్యం..
3992. తుమ్మెదలా వచ్చాననుకోకుండా..
పువ్వై పిలిచావనుకొని..
3993. విరహమయ్యావందుకేనా..
ప్రేమకవతలి వైపు తీపిని పరిచయించేందుకు..
3994. అనునయమై ఉందామనుకున్నా..
నీ మౌనంతో మరణిస్తానని ఊహించక..
3995. వారధిమనమవుదామా..
దూరాలను కలిపే నింగీనేలగా మారి..
3996. భావవల్లరిలో చిక్కినట్లుంది..
గిజిగాడివై వేకువనే నువ్వలా అల్లుతుంటే..
3997. లయమయిపోవడం గుర్తులేదు..
నీ శృతులలో పల్లవిగా మారుమోగుతుంటే..
3998. మౌనిగా మారింది నేనేగా..
నీలో నిశ్శబ్దాన్ని కాజేస్తూ..
3999. బ్రహ్మాండమైన సత్యాలెందుకులే..
కంటికి కనిపించని అస్పష్టతను వెతుక్కుంటూ..
4000. కుంకుమపువ్వుల సందళ్ళు నెలతమోములో..
మనసావహించిన మధురస్మృతుల సాంత్వనలో..

3901 to 3950

3901. నాలుగే నవ్వులపూలెందుకో నీకు..
మల్లెవంటి మనసే రాసిచ్చాక..
3902. వంత పాడలేని పరుగే నీది..
నిశీధి కలకలంలో వెన్నెలను వెతుకుతూ..
3903. మాటలకందనిదే నీ మనసువేగం..
రెక్కలంటించుకొని నన్ను మీటుతూ..
3904. మరణమానాడే వరించింది..
జీవితం కూలబడ్డచోట..
3905. మునిమాపులో చేరువైన మధుర జీవితం..
ఇరుసంధ్యల ఎరుపునూ  ఒకేసారి ఆస్వాదించమంటూ..
3906. ఆడంబర ప్రయాణమే మనిషిది..
ఇంద్రియానుభూతులను అలుపెరుగక అనుసరిస్తూ..
3907. జీవనవెల్లువ మందగించింది..
పరుగులెత్తే చైతన్యం నాలో కరువయ్యిందని..
3908. ఎన్ని నీరాజనాలో అక్షరాలకు
అలరించే వాక్యం నీవైనందుకు..
3909. నిశ్వాసనవుతున్నది నేనేగా..
నువ్వూపిరి తీసిన ప్రతిసారీ మరణిస్తూ.
3910. పెళ్ళితో మొదలయ్యే ప్రేమపాఠం కాదది..
బ్రహ్మచారులకూ వర్తించే బతుకు నాటకం..
3911. నీ చూపులో భద్రం చేసావనుకున్న..
నన్ను తప్పించుకు ఎగిరొచ్చిన నిన్నటికల..
3912. నిన్నటిదాకా ఉరుకుతుంటే గుర్రమనుకున్నా మనసు..
నేడు పాదరసమై జారిపోతుంటే ఆపలేకున్నా..
3913. గాయమైన మనసు అశాంతిని చేరదీసింది..
అనునయించే ఆత్మీయతనై నేనొస్తానన్నా నిరాకరిస్తూ..
3914. శాశ్వతమయ్యింది ప్రేమందుకే..
మనసులు కలిసిన బంధం మనమేనని..
3915. సుస్వరాలహేలయ్యింది..
ప్రేమరాగలతో నే పరవశమవుతుంటే..
3916. అమరత్వం సిద్ధించింది..
నీ వలపుతలపుల్లో నన్ను నింపుకున్న ఆనందం వెల్లువయ్యి..
3917. ఎల్లలు చెరిపింది మనప్రేమ..
ఆకాశానికే హద్దులు గీసేస్తూ..
3918. చురకత్తులవుతున్న నీ చిరునవ్వులు..
చూపును కలపనివ్వకుండా అడ్డుపడుతూ..
3919. మౌనానికి మనసిచ్చా..
మాటలతో విసుగెత్తి..
3920. కలనే నేనెప్పటికీ..
నీ హృదయపురంగులను కొత్తగా చూపిస్తూ..
3921. తమస్సు తరలిపోయింది..
వెలుతురైన నన్ను ఆహ్వానించావనే అలుకల్లో..
3922. నా పేరంటే నాకిష్టమందుకే..
నువ్వు పలకరించే తీపయ్యిందని..
3923. మనసుల రాపిడే మహోజ్వలమయ్యింది..
తనువులను ఒకటిచేసే అవకాశమివ్వక..
3924. ఉదయానికై వేచిచూస్తున్నా..
విరిసే వసంతాన్ని మొదట నీకందించాలనే..
3925. అనుభూతుల అంచులు చూడటం నేర్చుకున్నా..
విరహంలో నువ్వూ చందమామా తోడయ్యారనే..
3936. అనుభవంగా దాచుకున్నా..
భావంగా రాస్తే నిన్నందరూ చదివేస్తారనే..
3937. వేకువనే వెలివేస్తోంది మనసు..
నీ రాతలకే అంకితమైపోవాలంటూ..
3938. కలువలుగా మార్చేసాలే కన్నులను..
జాబిల్లివై నీవొచ్చి అలరిస్తానన్నావనే..
3940. బ్రహ్మని వరమడిగి మరీ తెచ్చుకున్నా..
నీ రాతరాసే అవకాశం నాకివ్వమని..
3941. ఆనందాల ఆటుపోట్లు..
నన్ను రాసేకొద్దీ నీపై మనసవుతుంటే..
3942. అందిపుచ్చుకున్నాలే ఆనందాన్ని..
ఆకాశాన్ని కాదని నన్ను వరించిందని..
3943. నీ హృదయమొక్కటీ సరిపోతుందనుకున్నా..
వేరే చీనాంబరాలు నాకెందుకని..
3944. క్షణానికో పరవశం..
మనసంతా మల్లెలవుతుంటే నీ మోహంలో.. 
3945. ఆర్ణవమైన ఆనందం..
నింగికెగిసి అమాసనాడు రాకచంద్రుడ్ని చుంబించినట్లు..
3946. కెరటమై ఎగిసిన కల..
తీరం చేరేలోపునే మేల్కొల్పుతూ..
3947. ఋతురాగాలను మరచిందేమో..
ఏకం చేసెను మది వసంతం..
3948. హద్దెరుగని మనసు..
ఆకాశం చుంబించే కెరటం తానవ్వాలంటూ..
3949. అక్షయమై ఒదిగిపోయా నీలో..
మనోపాత్రలోకి నన్ను ఆహ్వానించగానే..
3950. వైద్యానికందని ముక్కల మనసులు..
మూసుకుపోయిన గుండెకవాటాల సాక్షి..